Культурæйы колледжы студенттæн радзырдтой нæ рагфыдæлтæй баззайгæ зарджыты тыххæй – Iryston Tv
Лекциты циклыл бакуыстой Адæмон сфæлдыстады хæдзары Абайты Азауы разамындæй.
Ирон адæмы культурæйы æвидигæ хæзнатæ фæлтæрæй фæлтæрмæ дæттын. Ахæм нысанимæ Республикон культурæйы колледжы ацыд гом урок. Лекциты циклыл бакуыстой Адæмон сфæлдыстады хæдзары Абайты Азауы разамындæй. Историон, мифологон æмæ æгъдауы зарджытæ нырыккон æхсæнады цы бынат ахсынц, уый тыххæй студенттæн радзырдта культурæйы сгуыхт кусæг Налдыхъуаты Зæлинæ. Мадзал саразын къухы бафтыд Мариинаг театры цæгатирыстойнаг филиалы нæлгоймæгты национ зарæджы хоры æххуысæй. Йæ разамонæг — республикæйы адæмон артисткæ Дзанайты Ольгæ.